Kryetari i Partisë së Lirisë, Ilir Meta ka paralajmëruar kryeministrin Edi Rama se me ligjet që ai vetë ka nxjerrë do ta ndëshkojnë. Në një takim me strukturat e kësaj partie në Tiranë, ish-kreu i shtetit tha se Rama nuk ndihmon dot asnjë person sipas ligjit, po e ka kënaqësi t’i mbaje peng.
Ilir Meta: Po kur i mori të gjitha në dorë ky, ca i bëri teatrot. Me të qeshur ai ashtu ta ketë në mes të ditës. Me të qeshur dhe më ngjeshur. Me drejtësi e me ligj do t’ja bëjmë ne atij, me ligjet e tij. Me ligjet e tij, ato do përdorim ne. Por ky është raporti i tij me Tiranën, me krenarinë e Shqipërisë.
Ai nuk ndihmon asnjë njeri duke respektuar ligjin, sepse e ka kënaqësi ti mbajë peng. Këtë e ka trashëguar nga paraardhësit e tij, pale ai të ndihmojë një njeri që shkel ligjin. Ai bën namin. Kjo është në kurriz të të gjithë Shqipërisë. Ka alergji të paparë nga gjelbërimi. Shikoni ca i ka bërë Tiranës dhe Durrësit, është armiku i gjelbërimit. Ka asgjësuar të gjitha korridoret ajrore të Tiranës, e ka kthyer në një qytet që vret shëndetin e njerëzve.
Është një xhelat i vërtetë. E nisi me vjedhjen e fasadave të këtyre ministrive dhe po e mbyll me këto të inceneratorëve. Ai i shkreti me 7 fëmijë ishte dënuar, ai tjetri pse nuk paguante dot energjinë i dha fund jetës. Ama këta oligarkët, shokët e këtij bëjnë çfarë të duan. Për këta edhe kur janë nën hetim del qeveria garantë duke dhënë kredi, sepse është ky atje nga prapa.